महाराष्ट्र अंधश्रद्धा निर्मूलन समितीचे एक दिवसीय कार्यकर्ता प्रशिक्षण कार्यशाळा

*विदर्भ उपसंपादक राजेश ढोले*

यवतमाळ जिल्ह्यातील महाराष्ट्र अनिसच्या विविध शाखेच्या पदाधिकाऱ्यांची मंगळवार दिनांक 26 मार्च रोजी 11ते 3 या वेळात यवतमाळ येथील बोधिसत्व विहार पिंपळगाव रोड येथे एक दिवसीय संघटना प्रशिक्षण शिबिराचे आयोजन करण्यात आले आहे . राज्य सरचिटणीस विनायक सावळे हे विदर्भात सात दिवसाच्या दौऱ्यावर येत असून ते यवतमाळ जिल्ह्यात शाखेच्या विविध पदाधिकाऱ्यांना प्रशिक्षण देणार आहेत. याकरिता सर्वांनी 25 मार्चपर्यंत जिल्हा कार्याध्यक्ष व प्रधान सचिव यांच्याशी संपर्क साधून नोंदणी करावी महाराष्ट्र अंधश्रद्धा निर्मूलन समितीच्या वतीने समाजातील अंधश्रद्धा दूर करत विवेकीसमाज निर्मिती साठी जिल्ह्यातील विविध ठिकाणी जाणीव जागृतीच्या कार्यक्रमाच्या माध्यमातून नागरिकांमध्ये प्रबोधन केले जात आहे. या अंतर्गत संघटनेशी जोडलेल्या पदाधिकारी तसेच अनिप वाचक कार्यकत्यांना या कार्यशाळेच्या माध्यमातून प्रशिक्षण देण्यात येणार आहे .या कार्यशाळेकरिता बहुसंख्य कार्यकर्त्यांनी उपस्थित राहण्याचे आवाहन महाराष्ट्र अंधश्रद्धा निर्मूलन समितीचे यवतमाळ जिल्हा कार्याध्यक्ष प्रा सुरेश वर्भे प्रधानसचिव किशोर पारटकर राज्य युवा सहकार्यवाह रुपेश वानखडे प्रा विजय गाडगे , प्रा सविताताई हजारे , विनय मीरासे, प्रल्हाद सिडाम, नागोराव काकपुरे , विजय शिरसागर , सचिन पाटील, निलेश पातालबंशी , आकाश लोणारे ,यानी आवाहन केले आहे.