१०१ किलो वजनाचा २० लाख रुपये किमतीचा गांजा जप्त*
नाशिक शहरातील मखमलाबाद शिवार येथे १०१ किलो वजनाचा एकूण २० लाख ३७ हजार ६०० रुपये किमतीचा गांजा जप्त करण्यात आला आहे.गुन्हे शाखेच्या विशेष पथकाने ही कारवाई केली. दि. १८ मार्च २०२३ रोजी सायंकाळी पावणे सहा वाजेच्या सुमारास मानकर मळा, मखमलाबाद शिवार येथे ज्ञानेश्वर बाळू शेलार वय- ३२, हल्ली रा. जयशंकर रो हाऊस नं. ८, श्रीकृष्ण मंदिराजवळ, मानकर मळा, मखमालाबाद, तर मूळ राहणार: घर नं. १९३, वावरे लेन, भद्रकाली, नाशिक तसेच निलेश अशोक बोरसे वय-२७, राहणार: रो हौस नं. १ बी १, मातोश्री निवास, पुष्कर व्हॅली अपार्टमेंट, औदुंबर नगर, अमृतधाम, पंचवटी यांच्या एसेन्ट कारच्या एम एच १५, बी क्यू ०७७८ डिक्कीमध्ये एकूण २० लाख ३७ हजार ६०० रुपये किमतीचा १०१ किलो ८८० ग्रॅम वजन असलेला गांजा विक्री करण्याच्या उद्देशाने वाहतूक करतांना मिळून आला. याबाबत दोघांवर म्हसरूळ पोलीस ठाण्यात गुन्हा दाखल करण्यात आला आहे.
