वलांडी येथे डॉ बाबासाहेब आंबेडकर यांची जयंती साजरी

देवणी /लातूर प्रतिनिधी सगीर मोमीन

वलांडी : देवणी तालुक्यातील वलांडी येथे डॉ. बाबासाहेब आंबेडकर यांची १ ३३ वी जयंती १४ एप्रिल रोजी सकाळी ९ वाजता विविध मान्यवरांच्या उपस्थितीत साजरी करण्यात आली. डॉ. बाबासाहेब आंबेडकर व महात्मा ज्योतिबा फुले यांच्या प्रतिमेचे पूजन देवणी पोलीस ठाण्याचे सहाय्यक पोलीस निरीक्षक माणिक डोके यांच्या हस्ते करण्यात आले व ध्वजारोहण वलांडीतील विद्यमान सरपंच सौ. राणीताई भंडारे यांच्या हस्ते करण्यात आले. यावेळी वलांडीतील राष्ट्रवादी काँग्रेसचे अल्पसंख्याक प्रदेश उपाध्यक्ष मो रफिक सय्यद, उपसरपंच महेमूद सौदागर, माजी सरपंच राम भंडारे, माजी उपसरपंच दिनेश पाटील, बालाजी सोनकवडे, हकीम बौडीवाले,रियाज मोमिन, नीतीन वाघमारे,मुस्ताक कादरी,माजी ग्रां प सदस्य धनराज बनसोडे रिपाइंचे विलास वाघमारे,जयंती समितीचे अध्यक्ष नरेंद्र बनसोडे आदी समाज बांधव व महिला मोठ्या प्रमाणात उपस्थित होते.