उदगीर बिदररोड -बामणी पाटीच्या जवळ कार पलटी,अपघातात एक जण जागीच ठार

लातूर/ देवणी प्रतिनिधी सगीर मोमीन लातूरच्या उदगीर बिदररोड बामणी पाटी जवळ आज शनिवारी २५ मे रोजी सकाळी ८ वाजेच्या सुमारास एक कार पलटी होऊन एक जण ठार झाल्याची घटना घडली आहे, बामणी पाटीजवळ कार क्र एपी ०९ /बीओ -०२८९ क्रमांकाची कार पलटी झाली असून या अपघातात मुमताज अलिखान वय ४० वर्ष राहणार हैद्राबाद हे जागीच ठार झाले, या घटनेची माहिती मिळताच ग्रामीण पोलीस ठाण्याचे बिट जमादार व्यंकट नामदेव धूळशेट्टे यांनी त्यांच्या पथकासह घटनास्थळी भेट देऊन घटनास्थळाचा पंचनामा केला,व सदरील मृतदेहाचे शवविच्छेदन करून नातेवाईकांच्या ताब्यात देण्यात आल्याची माहिती ग्रामीण पोलिसांनी दिली.