फुलंब्री चौका येथे लोकुत्तर बौद्ध विहारात बुद्ध पौर्णिमा निमित्त फळमेवा व खिरवाटप

फुलंब्री औरंगाबाद प्रतीनिधी अकबर शहा*

फुलंब्री तालुक्यातील चौका येथे लोकुत्तर बौद्ध विहारात बुद्ध पौर्णिमा निमित्त सर्वांना फळे.मेवा व खिर वाटप करण्यात आले. याबाबत सविस्तर वृत्त असे की, दिनांक 23 मे रोजी बुद्ध पौर्णिमा जगभरात साजरा करण्यात आला. विशेषत आपल्या देशात वैशाख पौर्णिमेच्या दिवशी साजरा केला जातो . या दिवशी तथागत गौतम बुद्धांचा जन्म,ज्ञानप्राप्ती व महापरिनिर्वाण या तिन्ही घटना झाल्या आहेत.आपल्या मानवतावादी आणि विज्ञानवादी धम्म सिंध्दातामुळे तथागत बुद्धांना जगातील महापुरुष व गुरू मानले जाते. या पौर्णिमेच्या दिवशी त्रिरत्न वंदना.त्रिशरण पंचशील ग्रहण केले जाते. उपोसथ व्रत पाळले जाते. या दिवशी बुद्ध विहारात जाऊन तथागतांना अगरबत्ती.मेणबत्ती लावून पुष्प अर्पण करून पंचाग प्रणाम केला जातो. बौध्द धर्मातील पवित्र ग्रंथाचे वाचन केले जाते. भंतेकडून धम्मदेसना ग्रहण करून त्यांना भोजनदान, संपत्तीदान केले जाते याच निमित्ताने आंबेडकरवादी संघर्ष समितीचे जिल्हाध्यक्ष विनोद कसारे,सामाजिक कार्यकर्ते दिलीप हिवराळेऋषी पगडे,सोहेल पठाण,संदिप म्हस्के, करण कल्याण,दिपक शिंगारे, रोहित डोंगरे,ज्ञानेश्वर ढोले, आदी मित्र मंडळातर्फे चौका लोकुत्तर बौद्ध विहारात फळे व खिर वाटप करण्यात आले.