नाशिकमधून महाविकास आघाडीचे राजाभाऊ वाजेंचा दणदणीत विजय

तिसऱ्यांदा नशीब आजमावणारे विद्यमान खासदार हेमंत गोडसेंची हॅटट्रिक मात्र हुकली*

नाशिक लोकसभा मतदारसंघातून महाविकास आघाडीचे उमेदवार राजाभाऊ वाजे यांनी दणदणीत विजय मिळविला आहे. त्यांनी महायुतीचे उमेदवार हेमंत गोडसे यांचा दारूण पराभव केला आहे. याबाबत अधिक माहिती अशी कि,राज्यभरात लक्ष लागलेल्या नाशिक लोकसभा मतदारसंघातून महाविकास आघाडीचे उमेदवार राजाभाऊ वाजे यांनी दणदणीत विजय मिळविला आहे. त्यांनी महायुतीचे उमेदवार हेमंत गोडसे यांचा दारूण पराभव केला आहे. वाजे यांनी पहिल्या फेरीपासून मिळविलेली आघाडी कायम ठेवली होती. त्यानंतर वाजे यांनी ही आघाडी कायम ठेवत दीड लाखांहून अधिक मतांनी विजयी झाले. दि.२० मे रोजी नाशिक लोकसभेसाठी मतदान झाले होते. त्यानंतर आज मंगळवार दि.४ जून रोजी सकाळी आठ वाजेपासून शहरातील अंबड परिसरातील वेअर हाउसमध्ये या दोन्ही मतदारसंघांसाठी मतमोजणी सुरु होती. यानंतर आता नाशिक लोकसभेचा निकाल हाती आला आहे. राजाभाऊ वाजे यांचा विजय निश्चित होताच सिन्नर, इगतपुरी, आणि नाशिक लोकसभा मतदारसंघातील विविध भागांत एकच जल्लोष करण्यात आला.