फुलंब्री जवळ अपघात दीर जखमी भावजयीचा मृत्यू,दोन मोटारसायकली समोरासमोर भिडली

फुलंब्री औरंगाबाद प्रतीनिधी अकबर शहा

फुलंब्री ते सिल्लोड मार्गावरील पाल फाटा येथील आदर्श पेट्रोल पंपाजवळ दोन दुचाकींची समोरासमोर धडक होऊन झालेल्या अपघातात भावजयीचा मृत्यू झाला तर दीर जखमी झाल्याची घटना घडली याबाबत सविस्तर वृत्त असे की 16 जुलै मंगळवारी रोजी संध्याकाळी सात साडेसात वाजेदरम्यान अश्विनी आजिनाथ कोलते वय 22 वर्षे, व महिलेचा दीर गणेश केशवराव कोलते वय 25 वर्षे दोघे राहणार कोलते टाकळी तालुका फुलंब्री हे गणेश कोलते यांच्या वडिलांचा जेवणाचा डबा फुलंब्री येथील एका खासगी दवाखान्यात देऊन दुचाकी क्रमांक एम एच 12 जी 1612 वरून गावाकडे येत असताना. दोन मोटारसायकलींची समोरासमोर धडक झाली त्यात दोघे जखमी झाले. त्यांना महात्मा फुले क्रीडा मंडळ रूग्ण वाहिकेचे वाहन चालक विजय देवमाळी यांनी फुलंब्री येथील ग्रामीण रुग्णालयात दाखल केले असता डॉक्टरांनी अश्विनी कोलते हिला तपासून मृत घोषित केले.तर जखमी गणेश कोलते याच्यावर उपचार सुरू आहेत.या अपघातात दुसरा दुचाकी चालकही जखमी आहे. पुढील तपास फुलंब्री पोलिस करीत आहे.